Falece un motociclista tras bater contra unha furgoneta en Mesía

O accidente de tráfico mortal foi no concello de Mesía, na estrada que une Visantoña e As Travesas. Por causas que se investigan bateron unha moto e unha furgoneta. Cando avisaron aos servizos de urxencia o condutor da moto permanecía no chan.

Ata o lugar acudiron os bombeiros de Ordes, o GES de Curtis, axentes da Garda Civil de Tráfico e mais os servizos sanitarios. Chegouse a mobilizar o helicóptero medicalizado con base en Santiago, pero non foi necesario, o condutor da moto faleceu no lugar do sinistro.