Fernando Alonso consegue en Mónaco o mellor resultado da temporada
Fernando Alonso consegue en Mónaco o mellor resultado da temporada
Segunda posición para o asturiano que leva cinco podios nas seis carreiras disputadas
Verstappen gaña con autoridade e aumenta a vantaxe á fronte do mundial
Max Verstappen (Red Bull), que saíu desde a primeira liña da grella, reforzou o seu liderado no Mundial de Fórmula Una ao gañar o Gran Premio de Mónaco. Fernando Alonso (Aston Martín) acabou na segunda praza, acadando o seu quinto podio da temporada. Xusto por detrás deles apareceu Esteban Ocon (Alpine) que rematou na terceira posición.
Verstappen logrou a cuarta vitoria da temporada, a segunda en Montecarlo. A carreira comezou en seco e acabou co chan mollado cos pilotos tendo que xogar á lotaría á hora de elixir os neumáticos. O outro español, Carlos Sainz (Ferrari), acabou de oitavo na carreira máis icónica do campionato.
Verstappen é o líder con 144 puntos, 39 máis que o seu compañeiro, o mexicano Sergio Pérez. Pérez accidentouse na primeira rolda de cualificación, arrincou no último posto e rematou a proba no 17º posto.
A vindeira carreira será o Gran Premio de España, que se disputará a vindeira fin de semana no circuito de Montmeló (Barcelona).
