Galicia amence con temperaturas baixo cero

Galicia amenceu este luns con temperaturas baixo cero. Un frío que deixou imaxes xélidas na meirande parte da comunidade.

Calvos de Randín, na provincia de Ourense, rexistrou a mínima de Galicia, menos seis graos centígrados. Pero non foi a única localidade con temperaturas baixo cero; nas provincias de Lugo e no interior da Coruña e de Pontevedra os termómetros chegaron a marcar menos tres graos. Unhas temperaturas que nalgunhas zonas non viron en todo o inverno.

O frío seguirá acompañándonos esta noite e incluso poderán rexistrarse precipitacións en forma de neve por riba dos mil metros. A partir de mañá volverán as chuvias a toda Galicia, e con elas temperaturas máis suaves.