Galicia é a sexta comunidade con maior número de radares

O III Observatorio de Radares en España xa foi publicado e Galicia unha vez máis sitúase como a sexta comunidade onde máis hai.

"Habelos hainos, como din aquí en Galicia", comenta un home.

Son en total 182, 10 máis que o ano pasado.

 "182, pois moitos me parecen".

 "Si que me parecen un pouco excesivos, a verdade".

 "Fan moita falla porque a xente anda tola, anda a correr", opinan na rúa.

O exceso de velocidade é un dos principais factores de risco nas estradas, de aí a importancia de aumentar o investimento en sistemas de control, un tema que sempre xera moita controversia.

"Si que é certo que hai xente que ao volante esquece que hai límites".

 "Hai algúns que penso que están ben colocados e que poden salvar dalgún accidente e todo pero hai outros que están un pouco.... Xusto hai un sinal de 50 e outro de 70 diante e aí está  agochado".

 "Paréceme unha boa solución, aínda que deberían subir un pouco o índice de velocidade".

 "É certo que axuda moito ao tema da seguridade pero ás veces é un pouco abusivo", relata a xente. 

A maior parte dos radares que hai en Galicia son fixos e están situados en estradas convencionais por ser as que acumulan o maior número de sinistros con resultado mortal.

 "Son estradas máis sinuosas, perigosas entón entendo que en certa medida que si que poidan poñer máis radares", fala un rapaz .

Dentro de Galicia, A Coruña, con 77 cinemómetros, é a provincia que máis ten, de feito ocupa o posto un décimo na listaxe nacional.