Galicia-Norte de Portugal capta o 60 % dos fondos da UE á fronteira
Galicia-Norte de Portugal capta o 60 % dos fondos da UE á fronteira
Alfonso Rueda destacou o traballo da eurorrexión como exemplo de cooperación transfronteiriza
O vicepresidente primeiro da Xunta destacou hoxe o traballo da eurorrexión Galicia-Norte de Portugal como exemplo de cooperación transfronteiriza para mellorar a vida dos cidadáns de ambos os dous lados da raia.
Foi nunha visita de Alfonso Rueda a Ponte da Barca, vila limítrofe co concello ourensán de Lobios. No castelo de Lindoso, o vicepresidente primeiro da Xunta puxo en valor o traballo da eurorrexión Galicia-Norte de Portugal.
Alfonso Rueda lembrou que esta eurorrexión logrou captar o 60 % dos fondos que a Unión Europea destina a toda a fronteira entre España e Portugal. O vicepresidente primeiro da Xunta e o presidente da Cámara Municipal confían en repetir o éxito na próxima convocatoria destes fondos comunitarios.
Os dous mandatarios tamén destacaron a oportunidade que poden supoñer os fondos de recuperación Next Generation para lugares con tanto potencial como o Parque Natural da Serra do Xurés.
