García-Page enfróntase a Pedro Sánchez pola rebaixa de penas para o delito de malversación
García-Page enfróntase a Pedro Sánchez pola rebaixa de penas para o delito de malversación
"É intolerable pactar cos delincuentes as súas propias condenas", di o barón socialista
ERC intentará negociar un referendo pactado para Cataluña
O Congreso convoca para este xoves o pleno para aprobar a reforma do Código Penal que elimina o delito de sedición e rebaixa as penas para o de malversación.
A oposición arremete contra o Goberno, ao que acusa de poñer as leis ao servizo dos independentistas.
As críticas xorden tamén dentro do propio PSOE. Emiliano García-Page amosou publicamente o seu desacordo e asegurou que é un momento grave para a política española.
Para o barón socialista cruzouse unha liña vermella co independentismo.
"Non é tolerable pactar cos delincuentes a súa propia condena. E iso é exactamente o que se está facendo", di.
Desde o Goberno negan que estean pagando unha peaxe a Esquerra Republicana.
"É un obxectivo de Goberno, recuperar a concordia e a convivencia", di Isabel Rodríguez, a portavoz do Goberno.
Félix Bolaños, o ministro da Presidencia, asegura: "Non hai ningún feito da sentenza do procés que quede despenalizado, ningún".
O Partido Popular pide a convocatoria de eleccións e critica a reforma exprés do Código Penal.
"Esta non é unha modificación calquera do Código Penal, esta é a entrega do Código Penal aos que cometeron delitos", asegurou Cuca Gamarra.
ERC ameaza cun novo referendo para Cataluña.
Allea ás críticas, Esquerra Republicana anuncia que tras pechar a reforma do Código Penal intentará negociar un referendo para Cataluña.
Pretende pactalo co Estado, e ten deseñadas incluso as condicións: a independencia sería viable cunha participación do 50% do cento da poboación, e cun 55% de votos a favor. Desde o PSOE rexeitan de plano esa posibilidade.
ERC ameaza cun novo referendo para Cataluña.
Allea ás críticas, Esquerra Republicana anuncia que tras pechar a reforma do Código Penal intentará negociar un referendo para Cataluña.
Pretende pactalo co Estado, e ten deseñadas incluso as condicións: a independencia sería viable cunha participación do 50% do cento da poboación, e cun 55% de votos a favor. Desde o PSOE rexeitan de plano esa posibilidade.
Gabriel Rufián, de ERC, di : "por nós sería mañá mesmo, porque entendemos que é a mellor maneira de solucionar os conflitos políticos. É unha proposta política, que espera contrapropostas políticas".
Patxi López, do PSOE contéstalle: "Radicalamente digo que este grupo, este partido e este Goberno non van aceptar ningún referendo de independencia en Cataluña. Cando alguén pida un referendo de independencia nós poremos enriba da mesa un estatuto"
