Grandes atrasos en Renfe nos trens que unen Vigo e A Coruña
Grandes atrasos en Renfe nos trens que unen Vigo e A Coruña
Os centenares de persoas afectadas víronse obrigadas a viaxar en bus, como servizo alternativo prestado por Renfe
A primeira hora da mañá deste luns producíronse grandes atrasos nos servizos de Renfe que unen Vigo e A Coruña, que tiñan como causa incidencias técnicas
Fontes da empresa ferroviaria informan de que o primeiro convoi afectado saía da Coruña ás 05:35h en dirección á cidade olívica. Normalmente cóntase con dúas comisións, mais unha incidencia provocou que só se viaxase cunha, polo que centenares de pasaxeiros non puideron viaxar.
Renfe xestionou un método de traslado alternativo a través de autobuses. Segundo aseguran, comezaron a saír dende Vilagarcía (Pontevedra) as 06:30 h.
Máis tarde repetiuse a mesma historia: o tren que tiña saída de Vigo as 06:40 h atrasouse máis dunha hora por un problema técnico nas vías.
Dáse así unha nova xornada de incidencias e atrasos na compañía ferroviaria. O delegado do Goberno en Galicia, Pedro Blanco, acábase de pronunciar sobre esta repetitiva problemática: "estamos tratando de poñer unha solución inmediata", afirmou. Ademais, precisa que o Executivo central está en contacto tanto co operador Renfe como coa forma xestora das infraestruturas, Adif.
