Guterres tacha de "inmorais" os beneficios das empresas enerxéticas

O secretario xeral da ONU tachou de inmorais os beneficios excesivos das compañías enerxéticas. António Guterres dixo que a cobiza grotesca destas empresas está castigando as persoas máis pobres, e instou os gobernos a impoñer impostos sobre estas ganancias.

Ademais, a ONU animou os países máis desenvolvidos a implantar medidas inmediatas de aforro, entre elas límites ao aire acondicionado e a calefacción, reducións dos límites de velocidade ou incentivos ao uso do transporte público.