Investigan as ameazas a un edil de Cee

A Policía Xudicial da Garda Civil da Coruña investiga as ameazas que recibiu un concelleiro de Cee.
Juan Ramón Hermida, de Ciudadanos, di que este suposto acoso se vén sucedendo dende finais do verán.

Denuncia que hai unhas semanas dispararon de madrugada sobre o seu vehículo e o portalón da súa vivenda. Por sorte, non houbo feridos. Tamén recibiu unha carta manuscrita cunha bala no interior instándoo a deixar a política.

O concelleiro non quere facer declaracións, porque a causa está xudicializada. Polo momento aínda non hai detidos.