Cargando resultados...
Investigan se o incendio no garaxe dunha casa de Cambados foi provocado
Investigan se o incendio no garaxe dunha casa de Cambados foi provocado
As persoas que estaban dentro da vivenda non se decataron do lume
Danos provocados polo lume no garaxe. FOTO: Emerxencias de Cambados
G24.gal
08/12/2024 12:30
O Servizo de Emerxencias de Cambados interveu durante a madrugada deste domingo para sufocar un incendio no garaxe dunha vivenda do centro urbano da localidade.
O lume non provocou danos persoais e agora investígase se puido ser provocado. Polo momento, están abertas todas as hipóteses.
Segundo os datos facilitados pola Garda Civil, declarouse arredor das 2:45 horas da madrugada. Cando chegaron ao lugar, alertaron as persoas que estaban dentro da vivenda porque non se decataran do que estaba a suceder.
Na intervención colaboraron os Bombeiros do Salnés que extinguiron o lume fóra cun extintor de escuma e dentro cun de CO2. Logo, procedeuse á ventilación do garaxe e da vivenda.
