Investigan o suposto intento de rapto dunha nena en Betanzos

A Garda Civil investiga un presunto intento de rapto a unha menor en Betanzos. Con todo, de momento non se presentou ningunha denuncia como tal.

As forzas de seguridade tiveron coñecemento dese suposto intento de secuestro que, presuntamente, tivo lugar no parque infantil do Pasatempo.

Ao parecer, a nena, de 8 anos, contou que un home alto e vestido de negro intentou agarrala para levala consigo.

Era pola tarde, a pequena estaba coa súa coidadora, e no parque había unha morea de nenos vixiados polos seus.

Os supostos feitos correron de boca en boca por Betanzos e deixaron preocupados os veciños, sobre todo os que teñen nenos pequenos.

A Garda Civil xa abriu unha investigación para tratar de esclarecer que foi o que pasou.