Jessica Bouzas participará no cadro final de Wimbledon

Xornada que vai lembrar toda a súa vida Jessica Bouzas. A tenista vilagarcía conseguiu gañar o partido da terceira eliminatoria da rolda previa a Olivia Gadecki (6-3, 6-3) e accede ao cadro final de Wimbledon. Despois de quedar ás portas de participar no Open de Australia agora acadou un soño que levaba tempo perseguindo. 

Bouzas Maneiro derrotou con moitas dificultades a Raina na primeira eliminatoria (3-6, 7-6, 6-1) e na segunda rolda desfíxose da francesa Clara Burel asinando tamén unha remontada (4-6, 6-2, 6-2). Diante da australiana Gadecki amosou o seu mellor tenis a agora agarda polo sorteo para coñecer á súa rival na primeira eliminatoria do cadro definitivo.