Liberadas dúas persoas que eran obrigadas a exercer a mendicidade en Barcelona

Os Mossos d´Esquadra e a Garda Urbana de Barcelona liberaron dúas persoas que eran obrigadas a mendigar por un clan familiar.

Os axentes arrestaron unha parella como supostos autores dun delito de tráfico de seres humanos.

As vítimas vivían en condicións infrahumanas e durmían en colchóns á intemperie. Os detidos quedaban cos cartos que estas recadaban mendigando e só lles facilitaban unha pequena cantidade de bebida e comida cada día.