Maceda-Luíntra, etapa raíña do Gran Camiño

Esta mañá soubemos que a provincia de Ourense acollerá a etapa raíña do Gran Camiño.

Será a terceira etapa, con inicio en Maceda e final en Luíntra. Pola Ribeira Sacra ourensá. Dificultade montañosa concentrada nos últimos cincuenta quilómetros. Estradas duras. Sempre ás beiras do río Miño.

No acto de presentacion, xunto ás autoridades provinciais ourensás, estiveron o ciclista limián Carlos Canal e o mítico Raúl Rey, o primeiro galego que correu o Tour.

Carlos Carlos Canal correrá con Euskatel o Gran Camiño. Tamén soubemos que o equipo Cofidís ingresa na lista de conxuntos confirmados.