Macron atrasa ata o venres o nomeamento do novo primeiro ministro
Macron atrasa ata o venres o nomeamento do novo primeiro ministro
Agardábase que o seu nome se dese a coñecer este xoves, pero non se descarta que o presidente francés precise máis tempo para chegar a un acordo
Macron durante a súa estancia en Polonia
O presidente francés, Emmanuel Macron, atrasa a este venres o nomeamento do substituto do conservador Michel Barnier no posto de primeiro ministro.
Macron comprometérase o pasado martes cos diferentes partidos a nomear o novo xefe do Executivo en 48 horas, pero prolongou o prazo para proseguir as consultas cos diferentes interlocutores, indicaron fontes da presidencia.
O presidente pasou boa parte da xornada nunha visita a Polonia, que acurtou ante a situación na que se atopa o seu país.
Desde o avión presidencial mantivo moitos contactos, segundo as fontes, pero ao aterrar preferiu atrasar o nomeamento.
Barnier, que fora nomeado o pasado 5 de setembro, presentou a súa dimisión hai unha semana, un día despois de perder unha moción de censura apoiada pola alianza de esquerdas e pola extrema dereita de Marine Le Pen.
