Madrid albergará o Gran Premio de España de F1 desde 2026 ata 2035

Madrid albergará o Gran Premio de España de Fórmula Un a partir de 2026, nun circuíto semiurbano na contorna de IFEMA, segundo se anunciou este martes nun acto ao que asistiron o italiano Stefano Domenicali, presidente e CEO da F1; e o español José Vicente dos Mozos, presidente da citada Institución Feiral da capital española.

O Gran Premio de España -que este ano e o seguinte aínda terá lugar en Montmeló (Barcelona)- disputarase no citado circuíto de IFEMA, en principio, desde 2026 ata 2035, segundo se informou no citado acto, no que tamén estiveron presentes Isabel Díaz Ayuso, presidenta da Comunidade de Madrid; José Luis Martínez Almeida, alcalde de Madrid; e Angel Asensio, presidente da Cámara de Comercio de Madrid.

A nova pista -con sectores urbanos e outros que non o serán-, suxeita aínda á homologación da FIA (Federación Internacional do Automóbil), terá unha lonxitude de case cinco quilómetros e medio (5.470 metros) e 20 curvas. E o tempo estimado de volta, en cualificación, será aproximadamente dun minuto e 32 segundos.