Máis de 200 persoas participan nunha marcha contra a obesidade en Lugo

Máis de 200 persoas participaron no programa A muralla espérate, ven camiñar, organizado pola área santaria de Lugo para fomentar a actividade física nos doentes crónicos que teñen seguimento nas consulta no Hospital Universitario Lucus Augusti.

Viñeron con ánimo de completar unha volta completa ao monumento romano, ou o que é o mesmo, andar mais de dous quilómetros. 

Canda eles estiveron, acompañándoos no percorrido, representantes das diferentes asociacións que os atenden.

O programa, que prevé catro camiñadas, rematará o 19 de outubro. A próxima cita será o 14 do mes que vén.