Misión Artemisa: a NASA volve á Lúa 50 anos despois para establecer unha base fixa
Misión Artemisa: a NASA volve á Lúa 50 anos despois para establecer unha base fixa
Este sábado volverá intentar lanzar a nave espacial non tripulada
Todo volve estar preparado no cabo Cañaveral para lanzar este sábado a nave espacial Orion con destino á Lúa.
A NASA confirmou en conferencia de prensa que a causa de que abortaran a engalaxe o luns foi un problema nos motores. Todo parece resolto e as condicións meteorolóxicas son propicias, pero iso non é unha garantía total de éxito.
"Non hai garantía de que saiamos o sábado, pero imos intentalo", explicaba o director da misión.
Orion, o foguete máis potente nunca construído, non leva tripulantes. É o primeiro dos tres voos previstos da misión Artemisa, un ambicioso proxecto para establecer a vinte anos vista unha base fixa na Lúa.
O segundo voo, xa tripulado está previsto para 2024. O seguinte, coa primeira muller e o primeiro home negro a bordo, un ano despois.
Ter unha base fixa na Lúa sería tamén o primeiro paso para intentar enviar unha misión tripulada a Marte. Pero iso aínda é ciencia ficción. De momento o horizonte inmediato para a NASA é poñer en marcha a misión Artemisa este sábado.
