Morre un home de 50 anos nun atropelo na Pobra do Caramiñal

Un home de 50 anos faleceu nun atropelo rexistrado na localidade da Pobra do Caramiñal, na comarca coruñesa do Barbanza. O 061 recibiu aviso na central de coordinación contra as 23:51 horas do día anterior. O condutor non puido facer nada por evitalo porque a vítima estaba tendida sobre o asfalto sen ningunha peza de roupa reflectora.

Aínda que nun principio todo apuntaba cara ao atropelo como a causa da morte, haberá que agardar ao resultado da autopsia porque cabe a posibilidade de que o home sufrise unha indisposición e por iso estaba tombado no asfalto no momento do accidente.

Trátase dun varón drogodependente que case cada día percorría a pé a estrada AC-305 que une A Pobra do Caramiñal con Boiro. Malia ser de noite, non levaba ningunha peza reflectora, polo que o condutor do furgón que o atropelou non puido esquivalo.

Ao lugar foi enviada unha ambulancia asistencial de soporte vital básico, ademais de desprazar persoal sanitario de atención primaria, que non puido salvarlle a vida. O condutor deu negativo nas probas de alcol e drogas.

O accidente produciuse no quilómetro 30,4 da AC-305

Relato dos feitos

"Eu cando saín, que xa estaba na cama, xa me chamou o meu home e xa me atopei co rapaz deitado e dicían que non se sabín nin quen era ", relata unha veciña

Eran ao redor das 12 da noite cando a Policía Local da Pobra do Caramiñal recibía o aviso dun atropelo na AC-305, á altura do quilómetro 30.

"O condutor dunha furgoneta pasou polo lugar e sentiu como un golpe, pero non sabía que pasara. Deu a volta e foi cando se decatou de que atropelara unha persoa. Hai unha testemuña que di que ese señor xa estaba tirado na estrada antes de que a furgoneta o atropelara, lle pasara por riba, vaia", informa Alejandro Trasbach, policía local da Pobra do Caramiñal

"O peón é un varón de 50 anos, veciño de Boiro e en principio, todo indica que estaba tombado no carrildereito da estrada en sentido cara Padrón", apunta  Juan Carlos Rodríguez., sarxento coordinador de atestados do subsector de Tráfico da Coruña

Cando chegou a Policía Local ao lugar dos feitos o home aínda estaba con vida pero as constantes vitais, viron que eran case escasas.

"Non había sangue ningún, soamente cando levantaron o cadáver, na cabeza debeu de ser todo o golpe. Un ollo tíñao moi inchado ou case fóra", explica a veciña

Todo apunta a que a vítima, que non levaba ningunha peza de roupa reflectora e que era drodependente, sufriu unha indisposición, por iso estaba tombado no asfalto. Agora será a autopsia quen determine as causas da morte