Morre unha muller de 88 anos atropelada en Toén
Morre unha muller de 88 anos atropelada en Toén
A Garda Civil informou de que a vítima quedou debaixo dunha furgoneta
Unha muller morreu ao ser atropelada no barrio de Vilar, en Toén, Ourense, e a pesar dos esforzos dos servizos médicos desprazados ata o lugar, foi imposible salvar a súa vida.
A Garda Civil informou de que a vítima quedou debaixo dunha furgoneta, que estaba dando marcha atrás.
Ata o lugar acudiron axentes do Instituto Armado, bombeiros, o Grupo de Emerxencias Supramunicipais (GES) de Ribadavia e unha ambulancia do 061.
O condutor do vehículo, que saíu ileso, deu negativo na proba de alcol e drogas. Estaba a realizar unha manobra de marcha atrás. O suceso rexistrouse ás 10:30 no punto quilométrico 9,8 da estrada OU-0519.
O equipo de atestados de Ourense instrúe as dilixencias
