Multitudinaria celebración de Ramos en Viveiro

Este Domingo de Ramos cobrou un protagonismo especial coas procesións. É unha data destacada no calendario da Semana Santa en Galicia, unha boa proba son estas imaxes da bendición dos ramos na praza do concello de Viveiro. A vila da Mariña luguesa é un dos referentes desta festividade en Galicia.

As procesións centrais chegarán nos vindeiros días, pero este Domingo de Ramos marca o inicio dunha das semanas máis importantes do ano para a vila do Landro. Centos de persoas participaron na procesión e ateigaron a praza.