No Saviñao fan dous pozos de barrena para evitar cortes na subministración

O sur da provincia de Lugo está a vivir unha seca histórica. No concello do Saviñao decidiron reforzar a traída de auga a partir de captacións con pozos de barrena. Na estación de bombeo da Sardiñeira, no Saviñao, foi onde furaron un dos dous pozos que teñen previsto facer neste concello para paliar o problema da auga da traída.

Remataron de furar o venres á tarde e hoxe xa están bombeando para os depósitos da auga.
Para atopar auga  tiveron que furar 120 metros.

Nunha viña do Saviñao onde están facendo un pozo de barrena, coméntanos o poceiro que algo non andamos facendo ben para que cada día haxa que furar máis para atopar auga. Neste caso atopárona a 120 metros de profundidade, a carón do río Sardiñeira que abastece o Saviñao e onde agora é posible ver o leito.

Malia que falta saber a achega exacta que fará o pozo de barrena, estímase que será entre 16.000 e 18.000 litros.

No Saviñao decidiron facer os pozos para evitar facer restricións ou baixar a presión da auga, pero dende o Concello insisten en que se non use para encher piscinas, regar o céspede ou lavar o coche.

Pasadomañá furarán para o segundo pozo de barrena.