Galicia recorrerá a nova taxa que o Estado imporá aos portos autonómicos
Galicia recorrerá a nova taxa que o Estado imporá aos portos autonómicos
O ministerio de Transición Ecolóxica queren cobrarlles un novo imposto ás instalacións por ocupar terreos adscritos ás dársenas
A Xunta xa anunciou que vai recorrer ante a xustiza esta nova taxa, que afecta edificacións de 79 peiraos de titularidade autonómica
As edificacións no litoral volven estar no punto de mira do Goberno. Transición Ecolóxica quere aplicar unha nova taxa a aquelas que se construíron en terreos ampliados dos peiraos, cando estes xa foran transferidos á comunidade.
"Para Galicia é moi preocupante, produce unha inseguridade moi grande para todas as actividades socio económicas", asegura Juan Manuel Vieites, presidente da Confederación Mar-Industria.
A nova taxa obrigaría os concesionarios a pagar dúas veces pola ocupación deses terreos, dobrando ou mesmo triplicando o que xa pagan. Nalgúns casos a contía é de 120.000 euros.
"É un ataque directo ao sector, afectadas hai lonxas, confrarías, varadoiros, pantaláns non é normal que na metade dun embarcadoiro uns compañeiros paguen unha taxa e na outra metade paguen 25 veces máis", di o presidente da Federación galega de confrarías, José Antonio Pérez.
A Xunta xa recorreu a nova taxa ante o Tribunal Superior de Xustiza, logo de que algúns concesionarios xa recibiran a notificación do cobro.
"Que teñan todos claro que Galicia vai seguir adoptando todas as medidas legais para defender o que entendemos que é de xustiza, que son as competencias que a comunidade autónoma ten nos portos que non son de interese xeral", defendeu a conselleira do Mar, Rosa Quintana.
A nova taxa afecta a edificiacións de 73 peiraos dos 122 de titularidade autonómica.
