O accidente dun camión corta a vía que conecta Verín coa empresa Cabreiroá

En Verín esta mañá quedaba cortado o camiño do Curbillón, unha vía que conecta a vila coa empresa de Cabreiroá e outras aldeas da contorna. O motivo foi a saída de vía dun vehículo articulado.

O condutor, que logrou saír polo seu propio pé, tentou sacar a cabeza tractora da gabia pero non o logrou. Están á espera dun guindastre de gran tonelaxe, que non estará dispoñible ata primeira hora desta tarde.