O actor Danny Masterson, declarado culpable da violación de dúas mulleres
O actor Danny Masterson, declarado culpable da violación de dúas mulleres
Estaba acusado de violar tres mulleres con idades comprendidas entre os 24 e os 29 anos na súa casa de Hollywood
Masterson podería ser condenado a 30 anos de prisión por agredir sexualmente as vítimas. O actor fíxose mundialmente coñecido por meterse na pel do rebelde Steven Hyde en Aqueles marabillosos 70.
Masterson, que saíu esposado do tribunal e foi posto baixo custodia ante as bágoas dos seus familiares, estaba acusado de violar tres mulleres con idades comprendidas entre os 24 e os 29 anos no interior da súa casa de Hollywood tras coincidir con elas como membros da Igrexa da Ciencioloxía de 2001 a 2003.
Con todo, o xurado declarouno culpable de violar dúas delas e non puido chegar a un veredicto sobre a terceira demanda que pesaba contra el, concretamente a relativa a 2001, que implicaba unha antiga noiva do intérprete.
A xuíza da Corte Superior dos Ánxeles denegou a petición da defensa do intérprete, que solicitaba que permanecese en liberdade ata a sentenza, e fixou unha vista do caso para o próximo 4 de agosto.
