Prisión preventiva para o acusado de atentar contra o primeiro ministro eslovaco
Prisión preventiva para o acusado de atentar contra o primeiro ministro eslovaco
Robert Fico foi operado con éxito este venres por segunda vez e permanece estable
O acusado de atentar contra o primeiro ministro de Eslovaquia pasou este sábado a disposición xudicial. O tribunal ordenou que permaneza en prisión preventiva ante o risco de fuga.
O mandatario Robert Fico foi operado con éxito por segunda vez este venres. A súa situación é estable e, segundo o goberno eslovaco, convida ao optimismo.
O detido, Jurai Cintula, saíu de declarar por primeira vez ante a xustiza fortemente custodiado. O tribunal que leva o caso ditaminou que deberá seguir en prisión preventiva ante o risco de fuga e de que continúe a súa actividade criminal.
Segundo unha emisora eslovaca, o arrestado de 71 anos declarouse culpable nun interrogatorio previo ante a policía.
Nova operación
O atentado contra Robert Fico produciuse o mércores pasado, á saída dunha xuntanza do seu gabinete. Tras ingresar en estado crítico, este venres foi sometido con éxito a unha nova operación.
O mandatario permanece estable, e súa a situación convida ao optimismo, segundo declarou este sábado o vicepresidente do goberno.
Desacordo político
O detido manifestara publicamente o seu desacordo coas políticas de Fico e participara en varias protestas contra os plans do Goberno de suprimir a Fiscalía Anticorrupción e de pechar a radiotelevisión pública.
Cintula está acusado de asasinato premeditado, un delito que podería supoñerlle unha condena de entre 25 anos e cadea perpetua.
O primeiro ministro de Eslovaquia permanece estable
