O Barcelona pide a dimisión de Tebas por achegar probas falsas contra o club

O F. C. Barcelona esixiu este luns a dimisión do presidente da Liga, Javier Tebas, por enviar á Fiscalía un escrito na causa sobre os pagos do club blaugrana ao vicepresidente do Comité Técnico de Árbitros, José María Enríquez Negreira, no que implicaba erroneamente dous expresidentes da entidade blaugrana, Josep Maria Bartomey e Sandro Rosell.

A entidade catalá emitiu un comunicado en que reacciona á información publicada por 'La Vanguardia' sobre o documento manuscrito do exdirectivo do Barça Josep Contreras, xa falecido, que Tebas presentou á Fiscalía e ao que tivo acceso ao estar este investigado no denominado caso Soule, no que a Liga exerce como acusación particular. Pero segundo 'La Vanguardia', a familia de Contreras aclarou que a verdadeira identidade das persoas mencionadas no documento nada ten que ver cos expresidentes do Barça.

Comunicado del FC Barcelona

🔗 https://t.co/LCgRQA18Ew pic.twitter.com/pKImOStLuC

— FC Barcelona (@FCBarcelona_es) April 3, 2023

Mentres, Javier Tebas, presidente da Liga, afirmou que este organismo non acusa a ninguén e que son falsas as informacións que apuntan a que enviou á Fiscalía un escrito na causa sobre os pagos do FC Barcelona ao vicepresidente do Comité Técnico de Árbitros, José María Enríquez Negreira, no que implicaba erroneamente a dous expresidentes da entidade azulgrana, Josep Maria Bartomeu e Sandro Rosell.

.@FCBARCELONA_ES, antes de presentar el escrito a la Fiscalía, la asesoría jurídica de @laliga informó a la Comisión Delegada del pasado 21 de febrero, del contenido del escrito y sus documento. Derecho de rectificación solicitado a la @LaVanguardia.👇 Aclarado y ¿vosotros? 🤔 pic.twitter.com/HwkWl1Hpz1

— Javier Tebas Medrano (@Tebasjavier) April 3, 2023