O Barcelona e Javier Tebas seguen a pelexa e a UEFA estuda unha sanción exemplar

O caso Negreira acurrala o Barcelona e a UEFA aperta a soga. Aleksander Ceferín, que hoxe e mañá opta en Lisboa á reelección como presidente do fútbol europeo, fixo saltar as alarmas ao calificar nunha revista deportiva como de 'grave' o sucedido coa contratación de Enríquez Negreira. "Tan grave, que o teño como un dos casos máis graves no fútbol desde que me ocupo del", dixo.

En paralelo ás declaracións de Ceferín, segue a investigación aberta no seo da UEFA dende o 22 de marzo levada por dous inspectores do Comité de Ética e Disciplina, e na que tentan dilucidar a vulneración dos artigos 4.02 e 4.03 do regulamento de competicións que castigan expresamente coa suspensión dun ano aos clubs culpables "de calquera actividade dirixida a amañar ou influír no resultado dun partido".

Na súa derivada doméstica o 'Caso Negreira' emporca máis as relacións xa en por elas tensas entre Barcelona e Liga de Fútbol Profesional; amais, amais co seu presidente, Javier Tebas, a quen acusan no club de: "presentar unha proba falsa diante da Fiscalía". O Barça síntese vítima dun linchamento e pide que Tebas compareza en público para dar explicacións. O aludido retruca en Twitter cunha petición formal de rectificación ao editor do diario catalán e retando o Barcelona a dar explicacións dos pagos a Negreira na asemblea da Liga o 19 de abril.