Exposición de beléns do mundo no bispado de Ourense
Exposición de beléns do mundo no bispado de Ourense
Son 65 pezas recollidas polos 92 misioneiros ourensáns
Estará aberta ata o 6 de xaneiro en horario de mañá
Dende os desertos e selvas de África ata o altiplano de América do Sur ou os bosques do centro de Europa. A procedencia dos 65 beléns que se expoñen no bispado de Ourense ata o remate das festas de Nadal é do máis variada. Como tamén o son os materiais e técnicas empregados na súa elaboración. Papiroflexia, pedra puída, coiro, lá...calquera elemento serve para representar o nacemento de Cristo de forma ben identificable.
Os beléns son obra dos habitantes dos lugares nos que os 92 misioneiros da diocese ourensá exercen o seu ministerio. Tamén hai pezas creadas polos propios misioneiros, como un feito de papel por un relixioso xa falecido.
Este ano o Bispado tamén contou con recoñecidos artistas da vila como Arturo Baltar, Gesto ou Maite Vázquez.
A imaxe da Virxe xacente co neno Xesús é unha das xoias desta exposición polo pouco habitual desa postura nos beléns tradicionais.
