O Breogán perde en Lleida nunha mala segunda metade (94-81)
Os lugueses desaproveitan a oportunidade de sumar a vitoria número 12 e deixar practicamente asegurada a permanencia
Un parcial de 13 a 0 en contra entre o final do terceiro cuarto e o inicio do último máis 34 tiros libres recibidos provocaron a derrota en Lleida dun Breogán que saiu lanzado, cun cento por cento de acertos en tiros de dous e sete de catorce nas triplas, tres de Kurucs e outras tres de Grant, que os levou a dominar por 23-30 o remate do primeiro cuarto.
Os lucenses seguiron dominando no segundo tramo ata que unha técnica a Gerard Encuentra con 29-40 no marcador mudou a marcha do encontro e sacou os de Casimiro do partido que, aínda así, foron o descanso con cinco puntos de vantaxe.
Tralo descanso, os cataláns aumentaron a súa presión defensiva para deixar os breoganistas en quince puntos e marchar o final do terceiro período cun favorable 66-62.
No último cuarto, a actuación estelar do ex breoganista Broleph anotando once dos seus dezaseis puntos acabou por sentenzar os galegos nunha segunda metade para esquecer.
