O Burela Pescados Rubén vence o Ourense Ontime (3-1) no derbi da despedida de Jozi

No fútbol sala feminino, houbo derbi entre o Pescados Rubén Burela e mailo Ourense Ontime.

Foi un partido especial pois significou o adeus da gardameta Jozi, logo de 15 temporadas nas ringleiras do Burela. A brasileira recibiu a homenaxe antes e despois do partido. Aos seus 41 anos vaise para a liga italiana e deixa un Burela en que participou en todos os títulos obtidos polo equipo da mariña.

O seu último partido rematou con vitoria. O Burela adiantouse no primeiro tempo cos goles de Dany e Emily, de penalti. Vero, na segunda metade, recortou para o Ourense. No último minuto, marcou Noelia Montoro a porta baleira para o Burela conseguindo que nada estragase a festa de despedida de Jozi.