O Burela remonta nun derbi espectacular co Ourense (4-5)
O Burela remonta nun derbi espectacular co Ourense (4-5)
As locais chegaron a ir gañando por 3-1 e 4-2
Remontou o cadro da Mariña nos últimos seis minutos
O Burela Pescados Rubén sacou o triunfo da pista do Ourense Ontime nun partido en que tivo que remontar nos últimos seis minutos (4-5).
Foron sempre por diante as locais. No primeiro tempo Candela Soria marcou o 1-0, empatou Noelia Montoro pero Sara Moreno volveu darlles vantaxe ás locais.
Xa na segunda parte Chiky poñía o 3-1. O Burela arriscou con xogo de cinco e recortou distancias cun gol de Rafinha. A sete minutos para o final Iria Saeta parecía sentenciar co mellor tanto da tarde, pero o Burela nunca se pode dar por morto.
Nunha reacción fulgurante conseguiu anotar tres goles no treito final (Saki, Patricia Ortega e Dany) e levar o triunfo dos Remedios.
