O Celta derrota o Vizela en Afouteza (2-0)

O Celta segue coa súa preparación para a volta da liga en primeira. Este sábado xogou un amigable ante o Vizela portugués na Cidade Deportiva Afouteza. Nun partido a porta pechada, o conxunto vigués logrou o triunfo por dous goles a cero.

Os dous goles chegaron no segundo tempo, logo do carrusel de trocos de Carlos Carvalhal. Carles Pérez marcou o un a cero no minuto 55. E no 86, Larsen fixo o dous a cero definitivo. 18 futbolistas do Celta participaron no encontro. O equipo celeste volverá á competición ligueira o vindeiro día 30 ante o Sevilla en Balaídos.