O Deportivo pensa no Spórting mentres agarda boas novas da enfermaría

O Deportivo afronta o partido ante o Spórting con moitas incógnitas. A posible volta dos mancados e o seu estado físico real vai condicionar as decisións de Óscar Gilsanz. A presenza ou non de futbolistas como Lucas, Mella ou Yeremay cambia as sensacións ante un encontro sempre especial, nun estadio de Riazor que pode rozar o cheo. 

O Spórting chega a Coruña como terceiro clasificado e tras perder co Granada a pasada xornada no Molinón. O seu adestrador, Rubén Albés, augura un compromiso complicado ante o Deportivo. Gilsanz intentará saír triunfador deste duelo para que o Deportivo poida fuxir dos postos perigosos da clasificación.