O Deportivo ten a obriga de remendar a falta de gol en Albacete

A horas de medirse co Albacete no Carlos Belmonte, Idiakez defende o equipo e pide tranquilidade. O Deportivo, con tan só tres tantos a favor en seis xornadas, é canda o Rácing o equipo menos goleador da categoría.

Gran defensor dos proxectos a longo prazo, o técnico cuestionou a destitución de tres adestradores no que levamos de liga. A situación dos coruñeses, en postos de descenso, anima o rival, un Albacete que goleou o Rácing na Malata a xornada anterior.