O Frigoríficos Morrazo vence ao REBI Cuenca (36-29)

O Frigoríficos Morrazo voltou á senda da vitoria despois de tres xornadas e conseguiu a súa terceira vitoria da tempada. Os galegos dominaron o partido dende o comezo ata o final, manténdose sólidos en defensa e sendo tremendamente efectivos en ataque. 

A primeira parte do Frigoríficos Morrazo foi das mellores que se recordan no Gatañal. Os de Cangas estiveron moi serios durante a mesma e anotaron auténticos golazos en fase ofensiva. Na segunda metade chegaron a aumentar a distancia ata os 14 goles e só unha boa recta final dos conquenses foi o que puido estreitar a diferenza final. Deste xeito, o equipo galego consegue achegarse á metade da táboa e recupera as sensacións positivas.