O grande operativo de seguridade do Ecofin só causa molestias en certos puntos

O impacto deste cumio nótase no aumento da demanda dos hoteis, particularmente os de maior categoría, que teñen que acoller as 1.600 persoas que trouxo a Santiago este acontecemento. E tamén se nota a repercusión na vida diaria.

En puntos coma a praza do Obradoiro percíbese a magnitude do despregamento policial, que por momentos corta o paso aos peregrinos para protexer a entrada do Hostal dos Reis Católicos cando chegan os participantes do Ecofin aquí aloxados.

No entanto, noutros puntos da cidade o operativo traballa con moita discreción e non inflúe na mobilidade. E iso que falamos do maior dispositivo policial realizado na capital galega nos últimos anos.