O Mecalia Guardés afronta a primeira final europea da súa historia

O Guardés inicia esta fin de semana unha viaxe de ida e volta con parada inicial na Sangriña. Recibe o Antalya turco na primeira final europea da súa historia.

As xogadoras que dirixe Ana Seabra soñan con outra noite máxica na casa. Agardan un partido complexo ante un rival duro, pero cren que é posible.

A intención é obter unha boa renda aquí para despois viaxar con certa tranquilidade a Turquía. A imaxe ofrecida ante o Bera Bera nas semifinais da Copa da Raíña transmítelles confianza.