O Noia Portus Apostoli gaña con solvencia en Tudela e aférrase á permanencia

O Noia Portus Apostoli exhibiuse en Tudela para vencer por 2-7 ao Ribera Navarra e coller aire de cara á permanencia. Os noieses aproveitaron unha renda de tres goles ao descanso para solventar un encontro clave ante un rival directo. Edu Jabá, Henrique, Douglas por dobre partida e Pirata cun hat-trick foron os goleadores do equipo galego. 

Mediante esta vitoria o Noia pon terra de por medio cun descenso do que lle separan tres puntos. Aproveita así o empate do Betis e a derrota do Alzira coa vista posta no partido da semana que vén ante o Industrias Santa Coloma (oitavo clasificado) na casa.