O presidente de Portugal pídelle calma á poboación que foxe dos Azores
O presidente de Portugal pídelle calma á poboación que foxe dos Azores
Os expertos din que na illa de São Jorge podería haber unha erupción volcánica
O Goberno portugués e mailo dos Azores están preparados para evacuar os máis de oito mil habitantes da Illa de São Jorge, onde podería estar a xestarse unha erupción volcánica similar á que viviu recentemente a illa canaria da Palma.
Case trece mil sismos
A illa en xeral, e as zonas de Velas e Rosaes en particular, rexistraron nos últimos oito días case trece mil sismos, mais do dobre dos rexistrados no arquipélago en todo o ano pasado.
Aínda que case todos os sismos foron imperceptibles para a xente, arredor de dúas mil persoas fuxiron das súas casas, a maioría delas para refuxiarse en illas veciñas.
Visita do presidente portugués
A zona afectada foi visitada esta tarde polo presidente da República portuguesa. Marcelo Rebelo de Sousa viaxou a São Xorxe para ver a situación e transmitir tranquilidade.
O presidente portugués, e as autoridades dos Azores, din que non hai razóns para o medo e que so lle están a ofrecer a evacuación ás persoas con problemas de mobilidade.
