Oito xornadas sen gañar deixan o Vilalbés á beira do descenso

O Rácing Vilalbés non ergue a cabeza. Sumou a oitava xornada sen gañar (sumou 3 puntos dos últimos 24) e queda só un punto por riba do descenso directo. O Covadonga xogaba a vida deportiva e tirou proveito do seu campo de céspede artificial no que caeron grandes equipos como o Pontevedra. 

Os goles chegaron no segundo tempo. Lucas marcou o primeiro cun bo disparo desde fóra da área (minuto 49) e o segundo foi obra de Ariel Herrero no 76 logo de aproveitar un rexeitamento.