Cargando resultados...
Operación Ollomol: sete detidos en Ferrol por tráfico de drogas
Operación Ollomol: sete detidos en Ferrol por tráfico de drogas
Tamén foi localizada unha "granxa de minería de criptomoedas" de carácter ilegal
G24.gal
21/07/2022 17:19
En Ferrol, axentes da Policía Nacional detiveron sete persoas acusadas de pertenceren a unha organización criminal que se dedicaba ao transporte e distribución de droga en Galicia.
Na denominada operación Ollomol foron comisadas 7.000 doses de heroína, 17.000 euros en efectivo e tres vehículos, entre outros efectos.
Tamén foi localizada unha "granxa de minería de criptomoedas" de carácter ilegal, que era empregada polo máximo responsable desta organización para branquear os cartos obtidos coa venda destas substancias.
