Orde de afastamento para un mozo que tentou matar a nai en Carnota

Un xulgado de Muros deixa en liberdade con cargos o mozo que supostamente intentou matar a nai en Carnota. 

O xuíz acúsao dun delito de homicidio en grao de tentativa e ditou contra el unha orde de afastamento da súa familia.

Os feitos ocorreron na localidade do Pindo o pasado xoves.

Segundo fontes da investigación, o mozo pegoulle á nai na cabeza cunha pa mentres estaban na casa familiar.

Despois, fuxiu a Santiago, onde reside. Horas máis tarde, foi detido pola policía.