Esgotados os billetes de tren entre Santiago e Madrid para a fin de semana
Esgotados os billetes de tren entre Santiago e Madrid para a fin de semana
A operación retorno do Nadal transcorre sen incidentes nos aeroportos e nas estacións
Si houbo atraso nalgún voo e mesmo unha conexión foi desviada por mor do temporal
Os billetes de tren de Santiago a Madrid e tamén a Barcelona esgotáronse para esta fin de semana. Tras as vacacións do Nadal, os traballos, os estudos e as rutinas agardan. Toca volver.
"Volvo a Salamanca, que estou estudando alí".
"Agora volvemos a Madrid e pensamos nas próximas vacacións".
"O luns, a traballar", contan os pasaxeiros.
Similar trasfego de viaxeiros e maletas houbo no aeroporto de Santiago. O domingo será o día de máis actividade aérea desta operación retorno, con algo máis dun cento de conexións nas tres terminais galegas.
"Vivimos nas Palmas de Gran Canaria pero temos aquí a toda a familia, así que, sempre procuramos volver no Nadal, na Semana Santa e nos veráns. Agora acábanse os días de vacacións e toca volver á rutina".
"Agora toca volver ao colexio, pero polo menos vin a familia".
"Empezo este luns con ganas de ver os meus amigos".
"Eu levo aló 30 anos e vir e ir é un trastorno porque ao final sempre vas e vés. Pero é bonito tamén".
O temporal obrigou a desviar un voo procedente de Madrid con destino a Peinador, que aterrou en Santiago. E demorouse un avión con destino a Basilea.
