Ourense e Leiro rozan os 41 graos noutra xornada de moita calor no interior de Galicia
Ourense e Leiro rozan os 41 graos noutra xornada de moita calor no interior de Galicia
Localidades do sur de Lugo e da comarca de Valdeorras superan tamén os 40 graos
O val do Texo, en Toledo, e os concellos ourensáns da bacía do Miño foron os únicos de toda España onde había aviso laranxa por altas temperaturas. E ben que se cumpriron os prognósticos.
Leiro e Ourense rozaron os 41 graos aínda que finalmente foi na capital onde se bateu a marca do día: 40,9 graos as cinco e media da tarde.
A dirección xeral de emerxencias activou a alerta orientada sobre todo a que se extreme o coidado dos nenos, anciáns e persoas vulnerables.
Sen chegar o extremo da bacía ourensá do Miño, tamén fixo moito calor en amplas zonas do interior de Galicia, onde se activara o aviso amarelo.
En Ribas de Sil, no sur de Lugo e en Vilarmartín de Valdeorras tamén superaron os corenta graos. En Pantón, Arnoia e Laza andaron preto.
