Papá Noel recibe os cativos na cidade de Ourense

Quedan poucas horas para que chegue Papá Noel, pero algúns afortunados xa puideron velo na tarde do domingo. En Ourense, ata trouxo algo de neve.

Recibiu os máis cativos da casa e recolleu as súas cartas, cos desexos de última hora, aínda que algúns preferiron deixarlla na caixa de correos. Mesmo puideron intercambiar unhas palabras con el, e levaron calorosas apertas.

As caras de ilusión dos cativos fan prever que os espera unha noite de moita emoción.