Premio dun millón de euros nun rasca instantáneo da ONCE vendido en Pontevedra
Premio dun millón de euros nun rasca instantáneo da ONCE vendido en Pontevedra
O afortunado podería ser un veciño do barrio de Lérez porque que é a zona que lle corresponde ao vendedor do boleto
O premio máximo dos rasca de dez euros só sae cada dous millóns de boletos
Nito Couselo recorre cada día toda a parroquia de Lérez para vender os seus boletos da sorte, empezando polo centro de saúde. Hoxe está especialmente contento porque acaba de repartir un premio dun millón de euros.
Pese a que o boleto premiado foi o dun rasca instantáneo de 10 euros, Nito di que non sabe quen foi o afortunado nin cando o puido comprar, porque moita xente non o rasca no momento que o compra.
"Hai xente que si, que xa mo da no momento a comprobar pero outra non; comprao e lévao e xa o rasca despois", di.
O único que sabe é que o martes pasado alguén ingresou nun banco un dos boletos que el vendeu para cobrar o premio.
A difusión da noticia espertou a curiosidade no barrio, pero ninguén conta con que se saiba quen foi o afortunado porque o vendedor móvese moito cada día por Pasarón, Boa e Mourente e a súa clientela habitual é ampla.
Nito recoñece que está empezando a notar que vende máis coa repercusión do premio. En calquera caso, as leis da fortuna, seguirán sendo as mesmas. Un premio destes só sae cada dous millóns de boletos e el vende uns 45 cada semana.
