Preocupa a seca goleadora do Deportivo

O Deportivo empatou a ceros en Elx e suma un punto que o saca dos postos de descenso. No partido, Dituro converteuse en protagonista, mesmo coa faciana lle parou un gol a Lucas Pérez.  O Deportivo sumou varias ocasións claras de gol pero sen fortuna e con Dituro parándoo todo.

Quinto partido de nove sen marcar gol para os coruñeses, que tamén se esmeraron en defensa e mantiveron a súa porta a cero. Os números en defensa son bos, pero en ataque preocupa a pouca efectividade diante do marco contrario. No cadro confían en que o bo xogo e as ocasións acaben traendo resultados positivos.