Presentado en Vigo o Club Deportivo Delikia, liderado por Susana Rodríguez Gacio

No auditorio Mar de Vigo presentouse en sociedade o Club Deportivo Delikia, que acaba de gañar o Premio Supera Inclusión de Iberdrola.

No acto, que rematou coa tradicional foto de familia, estivo presente Susana Rodríguez, medalla de ouro en Tokio, cinco veces campioa do mundo, médica e deportista paralímpica de elite. Tamén asistiu Joselín Brea, a duatleta hispano-venezolana, que logrou o primeiro campionato do mundo para o Delikia. A líder do proxecto, Susana, explicou no acto a filosofía do seu club.