Protestas pola acción policial que causou as mortes no valado de Melilla

Centos de persoas participaron esta tarde nas concentracións  convocadas polo Foro Galego de Inmigración e SOS Racismo en varias cidades galegas.

Protestan pola acción policial que causou máis dunha vintena de mortos no valado de Melilla a semana pasada.

Esixen que se investigue o sucedido e que se depuren responsabilidades.

Denuncian ademais, din,  o trato inhumano que se lles deu aos migrantes que intentaban pasar a España.

O Bloque Nacionalista Galego apoiou a convocatoria e insistiu en pedir a comparecencia no Congreso do presidente do Goberno e do ministro do Interior.